छत्रपती संभाजीनगर

मतदार यादीच्या SIR प्रक्रियेत मोठी माहिती समोर; ७५.५२ लाख मतदार ‘Absent’, १७.६३ लाख दुबार नोंदी

महाराष्ट्रातील मतदार याद्यांच्या विशेष सखोल पडताळणी अर्थात SIR प्रक्रियेत महत्त्वाची आकडेवारी समोर आली आहे. राज्यातील एकूण ९.७८ कोटी नोंदणीकृत मतदारांपैकी सुमारे ७ कोटी ७१ लाख मतदारांची गणनापत्रे जमा करण्यात आली आहेत. घरोघरी जाऊन करण्यात आलेल्या पडताळणीदरम्यान काही मतदारांच्या नोंदी विविध कारणांमुळे पुढील तपासणीसाठी चिन्हांकित करण्यात आल्या आहेत. त्यामध्ये ७५.५२ लाख मतदार ‘Absent/Not Found’ या श्रेणीत आढळले आहेत. याशिवाय ७६.८० लाख मतदार ‘Permanently Shifted’, ३४.८१ लाख नोंदी मृत मतदारांच्या आणि १७.६३ लाख नोंदी ‘Duplicate/Enrolled Elsewhere’ या श्रेणीत असल्याचे नमूद करण्यात आले आहे. मात्र, या आकडेवारीचा अर्थ संबंधित सर्व मतदारांची नावे मतदार यादीतून कायमस्वरूपी वगळण्यात आली आहेत, असा थेट निष्कर्ष काढता येणार नाही. SIR प्रक्रियेत मतदार प्रत्यक्ष ठिकाणी आढळला नाही, स्थलांतरित झाला आहे, मृत...