लातूर

किल्ले रायगडाची रोपवे सेवा १५ नोव्हेंबरपर्यंत बंद; देखभाल-दुरुस्तीचे काम सुरू

किल्ले रायगडावर जाणाऱ्या शिवभक्त आणि पर्यटकांसाठी महत्त्वाची माहिती समोर आली आहे. रायगड रोपवे सेवा २१ सप्टेंबर २०२६ पासून १५ नोव्हेंबर २०२६ पर्यंत तात्पुरती बंद ठेवण्यात आली आहे. रोपवे प्रशासनाने दिलेल्या माहितीनुसार हंगामपूर्व देखभाल, दुरुस्ती आणि तांत्रिक तपासणीची कामे करण्यासाठी सेवा बंद ठेवण्याचा निर्णय घेण्यात आला आहे.या कालावधीत रोपवे यंत्रणेची आवश्यक देखभाल आणि दुरुस्तीची कामे केली जाणार आहेत. प्रवाशांच्या सुरक्षिततेच्या दृष्टीने आवश्यक सुरक्षा तपासण्याही पूर्ण करण्यात येणार आहेत. ही कामे पूर्ण झाल्यानंतर १६ नोव्हेंबर २०२६ पासून रोपवे सेवा पुन्हा सुरू करण्याचे नियोजन असल्याची माहिती प्रशासनाने दिली आहे.रायगड किल्ला हे महाराष्ट्रातील ऐतिहासिक आणि पर्यटनदृष्ट्या महत्त्वाचे ठिकाण आहे. किल्ल्यावर जाण्यासाठी रोपवे ही पर्यटकांसाठी महत्त्वाची सुविधा असल्याने या काळात रायगडला भेट देण्याच...