बीड

‘सुदृढ, सुशिक्षित, समृद्ध आणि सुरक्षित बीड’ घडवणार; उपमुख्यमंत्री सुनेत्रावहिनी पवार यांचे आश्वासन

शिक्षण आणि आरोग्याला प्राधान्य देतानाच जिल्ह्यातील शेतकरी, युवक, क्रीडा क्षेत्र, जलसंधारण आणि पायाभूत सुविधांच्या विकासासाठी शासन खंबीरपणे काम करणार असल्याचे सुनेत्रा वहिनी पवार यांनी सांगितले. बीडच्या विकासाच्या प्रवासात सर्व बीडकरांनी साथ द्यावी, असे आवाहनही त्यांनी केले.बीड जिल्ह्याच्या विकासाचा कणा असलेल्या शेतकऱ्यांच्या पाठीशी सरकार ठामपणे उभे असल्याचे त्यांनी स्पष्ट केले. ‘पुण्यश्लोक अहिल्यादेवी होळकर शेतकरी कर्जमुक्ती योजने’अंतर्गत जिल्ह्यातील ९६ हजारांहून अधिक शेतकऱ्यांच्या खात्यात ७११ कोटी रुपये जमा करण्यात आले असून, पुढील टप्प्यात आणखी शेतकऱ्यांचे सातबारे कोरे करण्यासाठी प्रयत्न सुरू राहतील, असे आश्वासन त्यांनी दिले.अवकाळी पाऊस आणि अतिवृष्टीमुळे बाधित शेतकऱ्यांसाठी शासनाने १,४५९ कोटी रुपयांचे अनुदान मंजूर केले आहे. आतापर्यंत ९ लाख २२ हजार ३६२ बाधित शेतकऱ्यांना ६३४ कोटी रुपयांच...