धाराशिव

तेरच्या मातीतील लेक आणि सावित्रीमाईंची प्रेरणा; पुण्यात २८ ज्ञानशिल्पांचे उपमुख्यमंत्री सुनेत्रावहिनी पवारांच्या हस्ते लोकार्पण

क्रांतीज्योती सावित्रीबाई फुले यांच्या विचारांचा आणि संघर्षाचा वारसा नव्या पिढीपर्यंत पोहोचवणारा महत्त्वपूर्ण उपक्रम सावित्रीबाई फुले पुणे विद्यापीठात साकारला आहे. विद्यापीठाच्या परिसरात सावित्रीमाईंच्या जीवनकार्यावर आधारित २८ ज्ञानशिल्पांचे लोकार्पण आणि कोनशिला अनावरण करण्यात आले. या कार्यक्रमाला उपमुख्यमंत्री सुनेत्रावहिनी पवार उपस्थित होत्या.या ज्ञानशिल्पांमधून सावित्रीबाईंच्या आयुष्यातील विविध टप्पे, त्यांचा संघर्ष, शिक्षणासाठीची धडपड आणि समाजपरिवर्तनाची भूमिका कलात्मक पद्धतीने मांडण्यात आली आहे. त्यामुळे विद्यापीठ परिसरात येणाऱ्या विद्यार्थ्यांना केवळ इतिहास वाचता येणार नाही, तर सावित्रीमाईंचा विचार प्रत्यक्ष शिल्पांच्या माध्यमातून अनुभवता येणार आहे.कार्यक्रमातील एका शिल्पाने सुनेत्रावहिनी पवार यांचे विशेष लक्ष वेधून घेतले. या शिल्पासोबत आरसा आणि त्याखाली ‘आणि आपण...?’ असा विचार कर...