नांदेड

५० दिवसांच्या खंडानंतर मराठवाड्यात पावसाचे पुनरागमन; हिंगोली, जालना, नांदेडसह धाराशिवमध्ये सरी

मराठवाड्यात गेल्या ५० दिवसांहून अधिक काळ पावसाने मोठा खंड दिल्यानंतर अखेर पावसाचे पुनरागमन झाले आहे. बुधवारी मराठवाड्यातील विविध जिल्ह्यांमध्ये पावसाच्या सरी कोसळल्या. हिंगोली, जालना, नांदेड आणि धाराशिवसह अनेक भागांत पावसाने हजेरी लावल्याने उकाड्याने हैराण झालेल्या नागरिकांना काहीसा दिलासा मिळाला. यंदाच्या पावसाळ्यात मराठवाड्यात पावसाचे वितरण असमान राहिले आहे. ५० दिवसांच्या खंडामुळे अनेक तालुक्यांमध्ये पावसाची तूट निर्माण झाली होती. २२ सप्टेंबरच्या अहवालानुसार, मराठवाड्यातील ७५ पैकी सुमारे ३८ तालुक्यांमध्ये सप्टेंबरपर्यंत अपेक्षित पावसाच्या ७५ टक्क्यांपेक्षा कमी पाऊस नोंदवला गेला होता. धाराशिव, बीड, लातूर आणि परभणीमध्ये परिस्थिती तुलनेने अधिक चिंताजनक असल्याचे प्रशासनाकडून सांगण्यात आले होते. हिंगोलीत पावसाची हजेरीहिंगोली जिल्ह्यात दीर्घ खंडानंतर पावसाने हजेरी लावल्याने खरीप प...