जालना

पाणी वाया घालवणे महागात पडणार; २५ हजारांपर्यंत दंड, पीक नुकसानीचे पंचनामे सुरू

पावसाने ओढ दिल्याने मराठवाड्यातील अनेक भागांमध्ये पाणीटंचाई आणि शेतीच्या नुकसानीचे संकट गंभीर होत आहे. उपलब्ध पाणीसाठा जपून वापरण्याची गरज लक्षात घेऊन स्थानिक प्रशासनाकडून पाणी बचतीचे आवाहन केले जात आहे. पाण्याचा अपव्यय रोखण्यासाठी काही शहरांमध्ये दंडात्मक कारवाईचा इशाराही देण्यात आला आहे.जालना शहर महानगरपालिकेने पाण्याचा अपव्यय करणाऱ्यांविरोधात कठोर भूमिका घेतली आहे. नळ सुरू ठेवून पाणी वाहू देणे, घरासमोरील रस्ता किंवा वाहन धुण्यासाठी पिण्याच्या पाण्याचा वापर करणे तसेच नळ आणि अंतर्गत जलवाहिन्यांमधील गळती दुरुस्त न करणे अशा प्रकारांवर कारवाई होऊ शकते. नियमभंगाच्या स्वरूपानुसार ५ हजार ते २५ हजार रुपयांपर्यंत दंड आकारण्याचा इशारा देण्यात आला आहे. वारंवार नियमभंग झाल्यास फौजदारी कारवाईचाही इशारा प्रशासनाने दिला आहे.घरगुती नळजोडणी, तोट्या आणि अंतर्गत जलवाहिन्यांमधील गळती १५ ऑक्टोबरपर्यंत दुर...