जालना

मराठवाड्याच्या मातीतून राज्याला दिशा देणाऱ्या वसंतराव नाईकांना अभिवादन! आज महाराष्ट्र कृषी दिन; बळीराजाच्या कष्टाचा सन्मान

महाराष्ट्राच्या कृषी परंपरेला आणि बळीराजाच्या अथक परिश्रमांना सलाम करण्याचा दिवस म्हणजे १ जुलै – महाराष्ट्र कृषी दिन. राज्याचे माजी मुख्यमंत्री, हरितक्रांतीचे शिल्पकार वसंतराव नाईक यांच्या जयंतीनिमित्त हा दिवस राज्यभर उत्साहात साजरा केला जातो. शेतीला आधुनिक तंत्रज्ञानाची जोड देत उत्पादनवाढीचा पाया रचणाऱ्या नाईक यांच्या कार्याची आठवण या निमित्ताने पुन्हा एकदा जागवली जाते.मराठवाडा हा दुष्काळ, पाण्याची टंचाई आणि बदलत्या हवामानाशी सातत्याने झुंज देणारा प्रदेश आहे. अशा परिस्थितीत आधुनिक शेती, जलसंधारण, सुधारित बियाणे आणि संशोधनाधारित शेतीला चालना देणाऱ्या धोरणांचा सर्वाधिक फायदा या भागातील शेतकऱ्यांना झाला. परभणी येथील वसंतराव नाईक मराठवाडा कृषी विद्यापीठ आजही कृषी संशोधन, नवीन वाणांची निर्मिती आणि शेतकरी मार्गदर्शनाच्या माध्यमातून महत्त्वाची भूमिका बजावत आहे.महाराष्ट्र शासनाने १९८९ पासून १ ...