राजकारण

अजितदादांनंतर सोमेश्वरची नवी जबाबदारी सुनेत्रावहिनींसमोर; ५००हून अधिक अर्जांनी वाढवली निवडणुकीची रंगत!

बारामतीच्या सहकार क्षेत्रातील महत्त्वाच्या सोमेश्वर सहकारी साखर कारखान्याची निवडणूक आता वेगळ्याच टप्प्यावर पोहोचली आहे. दिवंगत अजित पवार यांच्या निधनानंतर प्रथमच होत असलेल्या या निवडणुकीत सुनेत्रा पवारांची भूमिका चर्चेच्या केंद्रस्थानी आली आहे. कारखान्याच्या २१ संचालक जागांसाठी मोठ्या संख्येने इच्छुक मैदानात उतरल्याने निवडणुकीपूर्वीच राजकीय आणि सहकार क्षेत्रातील हालचालींना वेग आला आहे.सोमेश्वर कारखान्याच्या निवडणुकीसाठी तब्बल ६०१ नामनिर्देशन अर्ज दाखल झाले होते. छाननीनंतर पात्र अर्जांची संख्या ५५६ झाली, तर त्यानंतर ४५ अर्ज मागे घेण्यात आले. त्यामुळे अंतिम यादीत ५१४ उमेदवार राहिले आहेत. म्हणजेच २१ जागांसाठी उमेदवारांची संख्या मोठी असल्याने प्रत्येक गटासमोर उमेदवार निवडीचे आणि पॅनलची रचना करण्याचे आव्हान उभे राहिले आहे.या मोठ्या उमेदवारीमुळे सोमेश्वरच्या निवडणुकीचे स्वरूप केवळ एका पॅनलपुर...