राजकारण

उपमुख्यमंत्री सुनेत्रावहिनी पवारांचा विकासकामांचा धडाका! सह्याद्री अतिथीगृहातील बैठकीत आरोग्य, पाणीपुरवठा आणि पायाभूत सुविधांवर महत्त्वाचे निर्णय

नागरिकांच्या मूलभूत सुविधांशी संबंधित विविध प्रलंबित प्रश्नांना गती देण्यासाठी मुंबईतील सह्याद्री अतिथीगृहात सुनेत्रावहिनी पवार यांच्या उपस्थितीत महत्त्वाच्या बैठका पार पडल्या. आरोग्य सुविधा, भूखंडावरील आरक्षण आणि पाणीपुरवठा यांसारख्या महत्त्वाच्या विषयांवर संबंधित अधिकाऱ्यांशी सविस्तर चर्चा करून आवश्यक निर्देश देण्यात आले.शिरूर तालुक्यातील कोरेगाव भीमा येथील प्राथमिक आरोग्य केंद्राचा रखडलेला प्रश्न या बैठकीत मार्गी लावण्यात आला. प्राथमिक आरोग्य केंद्र मंजूर झाले असले तरी जागेअभावी त्याची उभारणी प्रलंबित होती. कोरेगाव भीमा येथील उपलब्ध ६४ आर जागेच्या नियोजनाबाबत निर्णय घेत परिवहन विभागाने रस्त्यालगत व्यावसायिक कारणांसाठी आवश्यक जागा विकसित करावी आणि उर्वरित जागा प्राथमिक आरोग्य केंद्राच्या उभारणीसाठी जिल्हा परिषदेकडे तात्काळ हस्तांतरित करावी, असे निर्देश देण्यात आले.या निर्णयामुळे कोरेग...